«Тұрғын үй-коммуналдық шаруашылығын жаңғырту мен дамытудың қазақстандық орталығы» АҚ ақпараттық технология саласындағы әдіснамашылар мен мамандарды тарта отырып, заманауи интернет технологиялары базасында Қазақстан Республикасындағы тұрғын үй-коммуналдық шаруашылықтың барлық жұмыс істеу аспектілері бойынша интерактивті анықтамалық-ақпараттық жүйе құру жобасын іске асыруды жоспарлауда.

Оның ішінде:

-       ҚР өңірлері бойынша ПИК, басқарушы және сервистік компаниялардың дерекқорын құру;

-       ТКШ саласындағы тауарлар, жұмыстар және қызметтер ұсынушылардың (көрсетушілердің) дерекқорын құрып, оны толтыруға ТКШ жабдықтау нарығының субъектілерін тарту;

-       өңірлік маңызды бар жеке-дара ақпараттық жүйелерді «бір терезе» қағидаты бойынша бірыңғай қол жеткізу нүктесі бар бірыңғай кеңістікте біріктіру;

-       ТКШ объектілерінің жай-күйіне орталықтандырылған «әлеуметтік» мониторинг жүргізу үшін жағдай туғызу.